Umuryango w’abana batanu (5) n’umubyeyi wabo Uwamahoro Devothe utuye mu Karere ka Nyanza, Umurenge wa Ntyazo, akagari ka Bugali, Umudugudu wa Kabusheja, wasuwe n’Ubuyobozi bw’Igororero rya Nyanza kuri uyu wa kabiri tariki ya 10 Ukuboza 2024, babashyikiriza inkunga babageneye.
Kuri iki Cyumweru tariki ya 08 Ukuboza 2024, Itorero Calvary hamwe n’itsinda ry’abariribyi ba True Promises Ministry basuye Igororero rya Nyarugenge, bahakorera igiterane cy’ivugabutumwa.
None tariki ya 06 Ukuboza 2024, Komiseri Mukuru w’Urwego rw’ u Rwanda rushinzwe Igorora (RCS) CG Evariste Murenzi arikumwe n’abandi bayobozi bakuru barimo Ambasaderi w’u Rwanda muri Zimbabwe bitabiriye ibirori byo gusoza amasomo y’abofisiye bakuru 44 barimo 5 ba RCS, ajyanye n’imiyoborere n’imicungire y’amagororero.
Abakirisitu Gatorika 49 baturutse muri Paruwasi za: Mashyuza, Nyakabuye, Mushaka, Rasano na Mwezi zigize Diyoseze ya Cyangungu, basuye Igororero rya Rusizi kuri uyu wa 4 Ukuboza 2024, muri gahunda y’ubutabera n’amahoro ya Diyoseze yabo.
Ku munsi wo ku cyumweru tariki 24 Ugushyingo 2024, Nyiricyubahiro Musenyeri Yohani Bosco Ntagugira hamwe n’itsinda ry’abapadiri 4 bamuherekeje, batuye igitambo cya Misa mu Igororero rya Nyarugenge, kitabirwa n’abagororwa bamwe bahabwa n’isakaramentu ryo gukomezwa.
Mu turere tune(04) aritwo Gatsibo, Musanze, Nyanza na Nyamasheke, uyu munsi taliki ya 23 Ugushyingo 2024, habereye igikorwa cyo gutera ibiti cyateguwe na Minisiteri y’umutekano mu Gihugu n’inzego ziyishamikiyeho mu rwego rwo kurengera ibidukikije.
Inama y’abaminisitiri yateranye kuwa 09 Ugushyingo 2024, mu byemezo byayifatiwemo, harimo ibyo kwirukana abakozi b’urwego rw’U Rwanda rushinzwe Igorora(RCS) bagera kuri 411, bagaragayeho imyitwarire ihabanye n’amahame y’Urwego.
Itsinda ryitwa ‘Living Oaks’ ry’abakozi b’ivugabutumwa 15 bakomoka mu bihugu bitandukanye nka Singapore, Malaysia, China na Switzerland, bagiriye uruzinduko ku Igororero rya Nyarugenge kuri uyu wa Gatatu tariki ya 06/11/2024, mu rwego rwo gusangiza ubutumwa bwiza abagororwa n’abantu bafungiye muri iri Gororero.
Uyumunsi ku Igororero rya Rwamagana habereye Igikorwa cyo gutaha ku mugaragaro icyumba cy’uburanishwa rikorewe ku Ikoranabuhanga (E-Court room), mu mushinga watewemo inkunga n’ishami ry’umuryango w’abibumbye rishinzwe iterambere ishami ryawo rikorera mu Rwanda, UNDP.
Ku mugoroba wa taliki 18 Ukwakira 2024, muri Village Urugwiro hateraniye inama y’abaminisitiri, ifatirwamo ibyemezo bitandukanye birimo n’iteka rya Nyakubahwa Perezida wa Repubulika, riha imbabazi abagororwa 32 n’abandi 2017 barekuwe ku ifungurwa ry’agateganyo ku iteka rya Minisitiri w’intebe.
