Ku gicamunsi cyo kuri uyu wa 29 Werurwe 2023, ku Igororero rya Muhanga habaye umubatizo wakozwe n’idini ry’Abadivantisite mu Rwanda, habatizwa abagera kuri 505, bagororerwa muri iryo gororero mu rwego rwo gukomeza gusakaza ubutumwa bwiza bw’Imana no gufasha abafunzwe gukizwa no kubona inyigisho zibafasha kuzinukwa icyaha.
Uyumunsi taliki ya 29 Werurwe 2023, Umuyobozi W’Igororero rya Rwamagana SP Gahungu Ephrem, yaganirije Abantu bafunzwe n’Abagororwa b’igororero rya Rwamagana abizeza kubaba hafi mu bibazo bazajya bahura nabyo byose bigashakirwa umuti, ibidashoboka nawe akabishyikiriza abamukuriye bigahabwa umurongo.
Ku gicamunsi cy’ejo ku Igororero ry’Abana rya Nyagatare habereye umuganda wakozwe hagamijwe gukumira isuri itera inkangu mu mbago z’Igororero mu bihe by’imvura, witabirwa na visi meya ushinzwe imibereho myiza y’abaturage, Murekatete Juliet, umuyobozi w’Igororero wungirije SP Richard Cyubahiro bacukura imiringoti ifata amazi kugira ngo bagabanye imbaraga z’amazi.
Kuri iki Cyumweru tariki ya 26 Werurwe 2023, Urwego rw’U Rwanda rushinzwe Igorora ku bufatanye n’Itorero rya Penteconte mu Rwanda, ADEPR Ururembo rwa Kigali, mu igororero rya Nyarugenge habatijwe abantu bafunze bagera kuri 263.
Kuri icyi cyumweru tariki ya 26 Werurwe 2023, mu rwego rwo kwizihiza Igisibo Gitagatifu, korari Saint Augustin ikorera iyogezabutumwa muri Paruwasi Gatorika ya Karori Rwanga yasuye inataramira abagororerwa mu Igororero rya Nyarugenge mu bikorwa by’urukundo, amahoro n’Iyogezabutumwa mu buryo bw’indirimbo zisingiza Imana.
Mu rwego rwo kwagura ivugabutumwa no kogeza ijambo ry’Imana, ADEPR Itorero rya Nyabangendwa, yakoze igiterane cy’ivugabutumwa giusiga abasaga 21 bagororerwa mu Igororero rya Bugesera gisiga babatijwe nk’abizera bashya b’iryo torero, ndetse hatangwa n’ibikoresho bitandukanye bizafasha abahagororerwa nkuko ijambo ry’Imana ribivuga ngo kwizera kutagira Imirimo kuba gupfuye.
Kuwa gatandatu taliki ya 25/03/2023, ku Igororero rya Bugesera, abanyeshuri ba Kaminuza y’u Rwanda biga ubuganga, mu ishami ryo kuvura indwara zo mukanwa basuzumye indwara zo mu kanwa bamwe mu bantu bafunzwe n’abagororerwa muri iryo gororero babaha n’imwe mu miti ikoreshwa mu gusukura mu kanwa.
Kuri uyu wa Gatandatu taliki ya 25.03.2023, Abakozi b’Umwuga b’Igororero rya Huye bifatanije n’abaturage ndetse n’izindi nzego z’umutekano mu muganda rusange
ngaruka kwezi, umuganda wibanze ku gutema ibihuru biherereye iruhande rwa Kaminuza yu Rwanda ishami rya Huye byashobora kuba indiri y’abagizi ba nabi.
Uyumunsi kuwa 25/03/2023 abakozi b’igororero ry’abagore rya Ngoma bifatanyije n’abandi baturage b’ Akarere ka Ngoma mu muganda rusange soza ukwezi, wabereye mu murenge wa Kibungo, Akagali ka Cyasemakamba, umudugudu wa Rubimba, witabirirwa n’inzego z’umutekano arizo RCS, RDF na RNP n’umuyobozi w’umurenge wa kibungo hamwe n’abaturage b’uwo murenge.
Ibigo bitegamiye kuri Leta aribyo Rotary na Juste page ibinyujije mu mushinga Integrated Children Post Prison Organisation(ICPO), uyumunsi taliki ya 24 Werurwe 2023, batanze imashini 10 zidoda ku bagore bagororerwa ku Igororero rya Nyamagabe, bazifashisha mu mwuga w’ubudozi biga uzanabateza imbere basoje ibihano byabo.
