Politiki yo kugorora kuva yatangira gushyirwa mu bikorwa 2010, Urwego rw’u Rwanda rushinzwe Igorora, RCS rwazamuye ibikorwaremezo bifasha umugororwa kubona ibintu byose nkenerwa bimufasha kongera ubumenyi, gukora sipororo no kwidagadura bityo bikamufasha gukora igihano cye yishimye kandi yunguka n’ubumenyi butandukanye.
Kuri uyu wa 23 Mata 2026 mu Igororero ry’abana rya Nyagatare, habereye igikorwa cyo kumurika igitabo “Umurage w’urubyiruko” cy’Umwanditsi ku mateka ya Jenoside yakorewe Abatutsi mu 1994 Yolanda Mukagasana. Ni igikorwa cyitabiriwe na Komiseri Mukuru Wungirije w’Urwego rw’u Rwanda rushinzwe Igorora, DCG Theos Badege.
Igororero rya Huye ni rimwe mu magororero afite amwihariko ugereranyije n’andi, hashingiwe ku bikorwa biharangwa birimo ishuri n’uruganda byigisha abagororwa gukora amasafuriya akaba ari nayo yifashishwa mu gutegura amafunguro y’abagororwa no mu yandi magororero yose.
Superintendent Delano Evariste Nyagatare, umuhuzabikorwa w’imishinga mu Rwego rw’u Rwanda rushinzwe Igorora RCS, avuga ko imishinga migari iri gushyirwa mu bikorwa irimo iy’ingufu zimirasire y’izuba, ikoranabuhanga mu butabera (E-Court), gushyiraho ibigo bifasha abagororwa gusubira mu buzima busanzwe no gutanga amahugurwa y’imyuga, biri gufasha RCS kugera ku ntego zayo kandi izakomeza gutezwa imbere.
Kuri uyu wa 07 Mata 2026, mu magororero yose yo mu Rwanda, abagororwa hamwe n’abakozi b’Urwego rw’u Rwanda rushinzwe Igorora (RCS) bifatanyije n’Abanyarwanda muri rusange mu gutangiza icyumweru cy’icyunamo ndetse n’iminsi 100 yo kwibuka ku nshuro ya 32 Jenoside yakorewe Abatutsi mu 1994.
Uyu munsi ku wa 07 Mata 2026, Abakozi b’Urwego rw’u Rwanda rushinzwe Igororora, RCS bari mu butumwa bwo kubungabunga amahoro muri Repubulika ya Santarafurika bitabiriye umuhango wo gutangira icyumweru cy’icyunamo n’iminsi 100 yo kwibuka ku nshuro ya 32 Jenoside yakorewe Abatutsi muri 1994. Ni igikorwa cyateguwe na Ambasade y’u Rwanda muri Repubulika ya Santarafurika.
Kuri uyu wa 02 Mata 2026, ku Igororero rya Nyarugenge hamurikiwe igice cya mbere cy’igitabo “Umurage w’urubyiruko” cya Madame Yolande Mukagasana kivuga ku mateka y’itegurwa n’ishyirwa mu bikorwa rya Jenoside yakorewe Abatutsi mu 1994.
Kuri uyu wa 01 Mata 2026, Bwana Abubacarr M. Tambadou, Umunyamabanga Mukuru w’Urukiko Mpuzamahanga rwa ‘International Residual Mechanism for Criminal Tribunal’ (IRMCT) hamwe n’itsinda ayoboye bakiriwe ku Biro Bikuru bya RCS na CG Evariste Murenzi bagirana ibiganiro bitandukanye byibanze ku buzima bw’abagororwa barimo n’aboherejwe n’uru rukiko bari mu Igororero rya Nyanza.
Uyu munsi tariki ya 18 Werurwe 2026, intumwa za Komisiyo y’Igihugu y’Uburenganzira bwa Muntu, ziyobowe na Komiseri Gahongayire Aurelie, zagiriye uruzinduko mu Ngando ya TIG-Muhazi mu Karere ka Rwamagana mu rwego rwo kureba imibereho y’abagororwa bari kuharangiriza ibihano by’imirimo nsimburagifungo.
Mu gikorwa cyo gushyira mu ngiro icyemezo cy’Inama y’abaminisitiri cyo gufungura by’agateganyo abagororwa bagera ku 1874, Komiseri Mukuru Wungirije w’Urwego rw’u Rwanda rushinzwe Igorora DCG Rose Muhisoni, kuri uyu wa 05 Werurwe 2026, yaganirije abafunguwe ku Igororero rya Nyarugenge abasaba kuzitwara neza, bubahiriza amategeko no gukoresha neza amahirwe bahawe yo gusubira mu buzima busanzwe.
