Kuri uyu wa 12 Mutarama 2026 Komiseri Mukuru Wungirije wa RCS, DCG Rose Muhisoni yatangije ku mugaragaro amahugurwa y’iminsi 5 yo kongerera ubushobozi abanyamategeko 50 b’Urwego rw’u Rwanda Rushinzwe Igorora RCS bakorera ku Magororero atandukanye, ari kubera ku Igororero rya Nyarugenge.
Kugeza ubu, Urwego rw’u Rwanda rushinzwe igorora RCS rufite umutwe udasanzwe ugizwe n’abagera ku 150, bahawe amahugurwa adasanzwe n’ibikoresho by’ihariye bibafasha guhosha imyigaragambyo aho yavuka hose mu magororero ndetse no gucunga umutekano w’abagororwa mu mbogamizi izo arizo zose.
Kuri uyu wa 31 Ukuboza 2025, abakozi 35 bakorera ku magororero atandukanye ya RCS, barangije amahugurwa y’iminsi 30 yaberaga ku Igororero rya Nyarugenge ajyanye n’Itumanaho rigezweho rikoreshwa mu nzego z’umutekano.
Kuri uyu wa Kabiri tariki ya 30 Ukuboza 2025, Kiliziya Gatolika Diyoseze Cyangugu yahaye inkunga y’ibiribwa abagororwa bo mu Igororero rya Rusizi mu rwego rwo kwifatanya nabo kwizihiza iminsi mikuru isoza umwaka wa 2025 no gutangira umushya wa 2026.
Abagororwa bo mu Igororero rya Rwamagana ndetse n’abaturage baza kubasura, baremeza ko serivisi zo guhaha no gusura zarushijeho kwihuta no kugenda neza, nyuma yaho Ubuyobozi bwa RCS bufashe icyemezo cyo kwihutisha serivisi hakurwaho imirongo y’abatakaza umwanya bahaha ibyo bashyira abo baje gusura ahubwo ubu bakaba bohereza amafaranga kuri MoMo z’amagororero, abagororwa bakihahira ibyo bakeneye babifashijwemo na Serivisi z’imibereho myiza ku magororero.
Ku bufatanye n’Urwego rw’u Rwanda rushinzwe Igorora, RCS na Servers of Almighty Group(SOAG), bahaye impano z’iminsi mikuru abagororwa bo mu Igororero rya Bugesera kuri uyu m wa Gatanu tariki ya 26 Ukuboza 2025.
Kuri uyu wa 24 Ukuboza 2025, hasojwe amahugurwa yateguwe n’Urwego rw’u Rwanda rushinzwe Igorora (RCS) ku bufatanye na Minisiteri y’Ubutabera (MINIJUST) yari amaze iminsi ibiri atangirwa mu magororero 14 hirya no hino mu gihugu, agamije kongerera ubumenyi abakozi b’amagororero ku bijyanye n’uburenganzira bwa muntu no gukumira icuruzwa ry’abantu.
Kuri uyu wa 23 Ukuboza 2025, Urwego rw’Urwanda rushinzwe Igorora RCS ku bufatanye n’Itorero Angilikani ry’u Rwanda (EAR) na Minisiteri y’Ubutabera bifatanyije n’abana bagororerwa mu Igororero rya Nyagatare mu kwizihiza no gusangira umunsi mukuru wa Noheri, mu rwego rwo kubibutsa ko bakunzwe kandi bakwiye kugororoka.
Ku gicamunsi cyo kuri uyu wa 23 Ukuboza 2025, Komiseri mukuru wa RCS CG Evariste Murenzi yakiriye Umushumba Mukuru w’Itorero ADEPR Rev. Ndayizeye Isaie ku Cyicaro Gikuru cya RCS, baganira ku Ntambwe imaze guterwa ku masezerano y’ubufatanye bagiranye mu mwaka wa 2023 ajyanye n’ivugabutumwa mu Magororero, iterambere n’imibereho myiza y’abagororwa no guteza imbere uburezi n’ikoranabuhanga mu magororero.
Ku bufatanye na Minisiteri y’Ubutabera n’abandi bafatanyabikorwa barimo Rwanda Bridges to Justice n’Urugaga rw’Abavoka mu Rwanda, kuri uyu wa 22 Ukuboza 2025, Urwego rw’u Rwanda rushinzwe Igorora, RCS rwasangiye n’abagororwa bo mu Igororero rya Nyarugenge Iminsi mikuru isoza umwaka wa 2025. Ni igikorwa cyabaye mu rwego rwo guha Noheri no kwifuriza umwaka mushya muhire wa 2026 abagororwa by’umwihariko n’abagore bo muri iri Gororero n’abana babo bataruzuza imyaka itatu yo kujyanwa mu miryango.
