Kuri uyu wa 15 Ukwakira 2025, Komiseri mukuru w’Urwego rw’u Rwanda rushinzwe Igorora (RCS) CG Evariste Murenzi yakiriye Binta Mansaray, Umwanditsi Mukuru w’Urukiko Mpuzamahanga Rudasanzwe rwashyiriweho kuburanisha ibyaha by’intambara muri Sierra Leone, akaba ari mu ruzinduko rugamije gushimangira ubufatanye no gusuzuma ishyirwa mu bikorwa ry’amasezerano y’ubufatanye yasinywe mu mwaka wa 2009 ajyanye no gushyira mu bikorwa ibihano byafatiwe bamwe mu baciriwe imanza n’uru rukiko.

Iyo ugeze ku magororero cyanecyane ku munsi w’isura rusange aho abantu baturutse hirya no hino mu gihugu baba baje gusura abagorora n’abantu babo bafunzwe, usanga hari abagororwa n’abakozi bashinzwe Igorora bacuruza ibikoresho bitandukanye byiganjemo iby’ubukorikori n’ubugeni bikorwa n’abagororwa, kandi umusaruro wabyo ugirira akamaro abagororwa kuko nabo bawifashisha bahaha ibyo bakenera byisumbuye ku byo baba bagenewe.

Kuva tariki ya 1 Ukwakira 2025 Urwego rw’u Rwanda rushinzwe Igorora RCS,rwatangaje ko habayeho impinduka mu bijyanye no gusura abagororwa n’abantu bafunze aho umuntu ushaka kugira icyo aha umuntu we uri mu igororero azajya amwoherereza amafaranga kuri telephone y’igororero umugororwa akaba ariwe wihahira ibyo akeneye.

Abagororwa biga mu Ishuri ry’imyuga n’ubumenyingiro ryo mu Igororero ry’abagore rya Nyamagabe bafite ibyishimo nyuma y’uko bahawe amahirwe yo kwiga imyuga itandundukanye ikenewe cyane ku isoko.

Aho bigaragariye ko bamwe mu bagize uruhare muri Jenoside yakorewe Abatutsi muri Mata 1994 bagenda basoza ibihano byabo ariko nyuma bikagaragara ko iyo bageze mu miryango bahura n’imbogamizi nyinshi zirimo: Ipfunwe,urwikekwe no kwiheza bikomoka ku byaha basize bakoze bituma batitabira gahunda za Leta, Gutakarizwa icyizere, Ihungabana riva ku byaha bakoze bikabaviramo kwimuka ahobari batuye, Kwinangira gusaba imbabazi abo bahemukiye, Amakimbirane mu miryango, Kwibona mu ndorerwamo z’amoko n’ingengabitekerezo ya Jenoside n’ibindi.

Kuri uyu wa 19 Nzeri 2025, ku Igororero rya Nyarugenge hashojwe amahugurwa amaze iminsi itanu yateguwe na Community Based Sociothelapy (CBSRwanda) ku bufatanye n’ Urwego rw’u Rwanda rushinzwe Igorora(RCS), agamije kongerera ubumenyi abayobozi n’abakozi bashinzwe igorora ku kwita ku buzima bwo mu mutwe ku bakozi ariko by’umwihariko ku bagororwa mu rwego rwo gukemura ibibazo mu buryo burambye no gukumira insubiracyaha ku bagororwa barangije ibihano bakatiwe n’inkiko.

Kuva mu mwaka wa 2019 itsinda rya muzika ry’Urwego rw’u Rwanda Rushinzwe Igorora (RCS Band) ritangiye, rigeze ku rwego rwo kwakira abayobozi n’abashyitsi b’imena bagana RCS, gususurutsa abantu mu birori n’iminsi mikuru bya RCS, no gutaha ubukwe bw’Abofisiye ba RCS bagasusurutsa abantu hifashishijwe ibikoresho bya muzika bitandukanye kandi bigezweho.

Guhera tariki ya 15 Nyakanga 2025, abagororwa bo mu Igororero rya Rwamagana bari guhabwa ubuvuzi bw’amaso babasanze ku Igororero mu gikorwa cyateguwe n’Urwego rw’u Rwanda rushinzwe Igorora (RCS) ku bufatanye n’Ibitaro bya Rwamagana na Onesight essilorluxottica foundation.