Ku Cyumweru tariki ya 18 Mutarama 2026, mu Mujyi wa Kigali nibwo habaye siporo rusange iba buri kwezi izwi nka Car Free Day, yitabiriwe n’abaturage b’ingeri zitandukanye, barimo n’abakozi b’Urwego rw’u Rwanda rushinzwe Igorora (RCS) mu rwego rwo gushyigikira siporo nk’inkingi y’ubuzima bwiza.
Nyuma yo kugirana ikiganiro na Komiseri Mukuru wa RCS, Bwana Andrew Corley uyobora Umuryango Mpuzamahanga Prison Fellowship International (PFI), yakomereje uruzinduko rwe ku Igororero rya Nyarugenge kuri uyu wa 15 Mutarama 26, kuganira n’abagororwa.
Andrew Corley, Umuyobozi w’umuryango w’ivugabutumwa mu magereza ku isi Prison fellowship International, nyuma y’uruzinduko yagiriye kucyicaro gikuru cy’Urwego rw’U Rwanda rushinzwe Igorora RCS, kuwa 14 Muturama 2026, akagirana ikiganiro n’umuyobozi Mukuru wa RCS CG Evariste Murenzi, yakomereje ku Igororero rya Nyarugenge ashimishwa n’ubuhamya bw’abagororwa bahawe inyigisho z’isanamitima zabafashije guhinduka imitima yabo ikabohoka.
Kuri uyu wa 14 Mutarama 2026, Komiseri Mukuru w’Urwego rw’u Rwanda rushinzwe Igorora RCS, CG Evariste Murenzi yagiranye ibiganiro n’Umuyobozi Mukuru w’Umuryango Mpuzamahanga ‘Prison Fellowship International’ Bwana Andrew Corley ku Cyicaro Gikuru cya RCS, hamwe n’ubuyobozi bw’ishami ryawo mu Rwanda, ‘Rwanda Prison Fellowship, baganira ku musaruro umaze kugerwaho no kongera ubufatanye muri gahunda z’igorora.
Kuri uyu wa 12 Mutarama 2026 Komiseri Mukuru Wungirije wa RCS, DCG Rose Muhisoni yatangije ku mugaragaro amahugurwa y’iminsi 5 yo kongerera ubushobozi abanyamategeko 50 b’Urwego rw’u Rwanda Rushinzwe Igorora RCS bakorera ku Magororero atandukanye, ari kubera ku Igororero rya Nyarugenge.
Kugeza ubu, Urwego rw’u Rwanda rushinzwe igorora RCS rufite umutwe udasanzwe ugizwe n’abagera ku 150, bahawe amahugurwa adasanzwe n’ibikoresho by’ihariye bibafasha guhosha imyigaragambyo aho yavuka hose mu magororero ndetse no gucunga umutekano w’abagororwa mu mbogamizi izo arizo zose.
