Kuri uyu wa Gatatu Tariki ya 12 Nyakanga 2023, ku Cyicaro gikuru cy’Urwego rw’u Rwanda rushinzwe igorora RCS, Komiseri Mukuru w’uru rwego CGP Evariste Murenzi yakiriye itsinda riturutse mu Bwami bwa Eswatini ryari riyobowe n’Umuyobozi w’urukiko rw’ikirenga muri Eswatini; Hon. chief justice Bheki MAPHALALA.
U Rwanda kimwe n’ibindi bihugu bitandukanye bikomeje gutanga umusanzu wabyo wo kugarura amahoro no kugorora abagonganye n’amategeko babarizwa mu magereza n’amagororero atandukanye kandi rukomeje gushimirwa uwo musanzu ukomeye.
Kuwa 04 Nyakanga Buri mwaka mu Rwanda hose hizihizwa umunsi wo kwibohora, mu Urwego rw’ U Rwanda rushinzwe igorora,
uyu munsi wizihirijwe Ku magororero yose mu nsanganyamatsiko igira iti “KWIBOHORA ISOKO YO KWIGIRA”, aho abakozi ba RCS, abagororwa n’abantu bafunze bawizihirije hamwe mu biganiro bitandukanye bigaruka ku kwibohora kw’Abanyarwanda.
Kimwe n’ahandi hose ku isi, Kuri uyu wa 28 Kamena 2023, Mu rwego rwo kubahiriza uburenganzira bw’umuntu ufunzwe ku byerekeye idini rye , abantu bafunzwe basengera mu idini ya Islam mu Magororero yose yo mu Rwanda bifatanyije na bagenzi babo mu kwizihiza umunsi mukuru wa Eid-Al-Adha.
Kuri uyu wa 28 Kamena 2023, Abakozi 19 b’umwuga b’Urwego rw’u Rwanda rushinzwe igorora basoje amahugurwa baherewemo amasomo yo kwigisha abandi bakozi bagenzi babo, ni rwego rwo kurushako kubaka ubushobozi n’ubunyamwuga mu kazi kabo ka buri munsi.
Nkuko bimaze kumenyerwa buri cyumweru cya nyuma cy’ukwezi mu Gihugu hose Abanyarwanda baba bari mu bikorwa bitandukanye by’umuganda rusange, aho bakora imirimo yo guhanga imihanda, Amashuri, Ibiraro, kubakira abatishoboye, gusana ibikorwa bitandukanye biba byarangiritse mu rwego rwo kwishakira ibisubizo.
Abagororwa 327 b’Igororero rya Muhanga, uyumunsi taliki ya 21Kamena 2023, bahawe impamyabumenyi zigaragaza ko bamenye gusoma, Kwandika no Kubara, bishimira intambwe bateye kuko bajyaga baterwa ipfunwe no kuba hari serivise babaga bakeneye zibasaba gusoma bakabanza kubaza abandi.
Tariki ya 16 Kamena buri mwaka ku ni Umunsi mpuzamahanga wahariwe Umwana w’Umunyafurika, kuri uwo munsi abana baba mu magororero atandukanye babana n’ababyeyi babo kubera impamvu zitandukanye zitaturutse kuribo n’abandi baba barakoze ibyaha ariko bataruzuza imyaka y’ubukure bari kugororwa bubahiriza umunsi mpuzamahanga w’Umwana w’umunyafurika.
Umuvugizi wa Polisi y’u Rwanda CP Jean Bosco Kabera, ACP Gerard Mpayimana, Komiseri ushinzwe umutekano wo mu muhanda, uyumunsi kuwa 13 Kamena 2023, batanze ubukangurambaga ku bwirinzi bw’impanuka zo mu muhanda ku bakozi b’Urwego rw’u Rwanda rushinzwe Igorora RCS.
Aba bakozi b’Urwego rw’u Rwanda rushinzwe Igorora RCS 45, uyumunsi taliki ya 11 Kamena 2023, basoje amahugurwa y’iminsi 7 muri ILPD(Institute of Legal Practice and Development), Ishuri ritanga amasomo mubyamategeko rikanayateza imbere riherereye mu karere ka Nyanza, ayo mahugurwa akaba arebana no gutegura abagororwa babura igihe gito ngo basubire mu buzima busanzwe.
