URWEGO RW'U RWANDA RUSHINZWE IGORORA

Ubutabera | Kugorora | Umutekano n’Umusaruro

Ubutabera | Kugorora | Umutekano n’Umusaruro
Flash News

Centre Africa: Abacungagereza 7 bari mu butumwa bw’amahoro bashimiwe n’Umuryango w’Abibumbye bambikwa imidari

Share this Post

Mu mpera z’iki cyumweru abacungagereza barindwi bari mu butumwa bw’amahoro bw’Umuryango w’Abibumbye (UN) bashimiwe ku kazi bakoze ko kubungabunga amahoro mu gihugu cya Centre Africa.

Uyu muhango wabaye kuri uyu wa gatandatu, wayobowe n’ ukuriye ingabo za UN washimiye aba bacungereza akazi bakora aboneraho no gusezera ku mucungagereza SIP Alexandre MAHORO usoje ubutumwa bw’akazi muri iki gihugu

Ukuriye ishami rya UN ribungabunga amahoro muri Centre Africa yashimye urwego rw’Ubumenyi bw’Abacunagereza bo mu Rwanda kuko batanga inama z’uko amagereza yo muri Centre Africa yakora kinyamwuga

Abacungagereza boherezwa mu butumwa bwo kubungabunga amahoro ni inzobere mu micungire y’amagereza. Akazi kabo kaba ari ugukora inyigo no kwigisha uburyo amagereza acungwa kinyamwuga.

U Rwanda rwatangiye kohereza abacungagereza mu butumwa bw’amahoro muri Centre Africa mu mwaka wa 2016. Ibindi bihugu birimo abacungareza mu butumwa bwo kubungabunga amahoro ni Sudani  na Sudani y’Amajyepfo ndetse na Haiti

  Umuyobozi wa UN arimo kwambika abacungagereza bari mubutwamwa UN

Contact Form