Itorero Adiventiste ryo ku munsi wa Karindwi ni rimwe mu bafatanyabikorwa ba hafi b’Urwego rw’u Rwanda rushinzwe Igorora bafatanya mu bikorwa bitandukanye by’iterambere ndetse n’imibereho myiza y’abagororwa.

Ni mu gihe ku itariki ya 30 Kanama 2026 iyi Korali iri yitegura igiterane  gikomeye cyo kwiziha imyaka 30 imaze ishinzwe kuva mu mwaka wa 1995.

Umuyobozi Wungirije w’Igororero rya Nyarugenge Senior Superintendent Faustin Bizimana wari uhagarariye  Igororero, yashimiye imikorere n’imikoranire y’amadini n’amatorero mu rwego rwo kugorora anabasaba ko bazahozaho  kuko bafite umusingi ukomeye mubikorwa by’igorora.

Yashimiye by’umwihariko Korali Ambassador of Christ ku bw’igiterane bakoreye muri iri Gororero, kuko bifasha abagororwa mu buryo bw’iyobokamana ndetse n’imitekerereze. Yabasabye ko bazajya baza gusura iri Gororero kenshi kuko ari bimwe mu bikorwa bifasha RCS kugera ku ntego yayo yo kugorora.

Manzi Nelson wavuze mu ijwi ry’Umuyobozi wa Ambassadors of Christ Choir, yashimiye Urwego rw’u Rwanda rushinzwe Igorora, RCS ku bw’umwanya bahawe n’Igororero rya Nyarugenge anasezeranya abagororwa ko bagiye kugerageza bakajya bakora igiterane ngarukamwaka bakifatanya.

Amadini n’amatorere ni bamwe mu bafatanyabikorwa ba hafi ba RCS bayifasha  mu bikorwa bitantukanye birimo iby’iterambere ndetse na politiki yo kugorora. Ibikorwa by’Amadini n’amatorero bifasha abagororwa haba mu buryo bw’amarangamutima ndetse ,umubiri ndetse n’imitekerereze.