Abagororwa 76 bo mu Igororero rya Rusizi, bakoze Icyaha cya Jenoside yakorewe Abatutsi mu 1994, kuri uyu wa 14 Gashyantare 2025, muri sale y’akarere ka Rusizi, bahujwe n’abayirokotse babasaba imbabazi, mu gikorwa cyagizwemo uruhare n’Itorero Angilikani mu Rwanda.
Komiseri mukuru w’amagereza muri Zimbabwe, Moses Chihobvu, kuri uyu munsi taliki 12 Gashyantare 2025, yatangije ku mugaragaro amasomo amara umwaka ahabwa ba ofisiye bakuru, ajyanye na Serivisi z’Igorora aho mubazayakurikirana harimo batanu boherejwe n’Urwego rw’u Rwanda rushinzwe Igorora RCS.
Abgororwa n’Abantu bafunzwe bo mu Igororero rya Nyarugenge, uyumunsi taliki 11 Gashyantare 2025, bahuye n’itsinda ry’abakozi bo mu nkiko, babaganiriza ku kuri ruswa n’ububi bwayo, babasaba kwirinda ababasaba kugira icyo batanga ngo babane serivisi.
Urwego rw’u Rwanda rushinzwe Igorora (RCS) n’Urwego rushinzwe Igorora muri Namibia (NCS) basinyanye amasezerano y’ubufatanye mu Igorora kuri uyu wa Kane tariki ya 06 Gashyantare 2024, buzamara imyaka itanu.
Komiseri Mukuru w’Urwego rushinzwe Igorora muri Namibiya (NCS) Raphael T. Hamunyela n’itsinda bazanye bari kumwe na Komiseri Mukuru w’Urwego rw’u Rwanda rushinzwe Igorora (RCS), CG Evariste Murenzi basuye Igororero rya Nyarugenge kuri uyu wa Kane tariki 06 Gashyantare 2025. Hasuwe ibikorwa bitandukanye by’Igororero bifasha mu gucunga umutekano w’abantu bafunzwe n’abagororwa n’ibibafasha mu bikorwa byo kugorora.
Komiseri Mukuru w’Urwego rushinzwe Igorora muri Namibia Raphael Tuhafeni Hamunyela n’itsinda ayoboye bari mu Rwanda mu ruzinduko rw’akazi bajemo rugamije gutsura umubano n’Urwego rw’u Rwanda Rushinzwe Igorora (RCS); uyu munsi kuwa Gatatu tariki ya 05 Gashyantare 2025 basuye Urwibutso rwa Jenoside yakorewe Abatutsi rwa Kigali ruri ku Gisozi, basonaruriwa amateka yaranze Jenocide yakorewe Abatutsi mu 1994.
Uyu munsi tariki ya 4 Gashyantare 2025, Komiseri Mukuru w’Urwego rushinzwe Igorora mu Gihugu cya Namibia, Raphael Tuhafeni Hamunyela n’itsinda ayoboye bakiriwe ku Biro Bikuru by’Urwego rw’u Rwanda rushinzwe Igorora (RCS) mu ruzinduko rw’akazi bajemo rugamije gusangira ubunararibonye mu kazi no gushimangira ubufatanye mu micungire y’amagororero.
Nyuma yo kurangiza ibihano bye, uwari umugororwa mu Igororero rya Nyamagabe Madame Nyirahabiyaremye Jeanne d’Arc yagaragaje imbamutima ze kubera ubumenyi atahanye buzamufasha kwibeshaho abikesha ishuri ry’imyuga (TVET) ryo mu Igororero rya Nyamagabe.
Ku wa Gatanu tariki 20 Ukuboza 2024, abakirisito b’Itorero rya Angilikani mu Rwanda (EAR), basuye Igororero ry’abana rya Nyagatare batanga inyigisho z’ihumure n’inkunga y’ibikoresho bitandukanye bikenerwa n’abagororwa ndetse n’abantu bafunze.
Umushumba w’Itorero Angilikani mu Rwanda (EAR) Diyosezi ya Kigali, Nyiricyubahiro Musenyeri Nathan Amooti Rusengo, n’itsinda barikumwe bashimishijwe n’isuku basanze mu Igororero rya Nyarugenge ndetse no kubagororwa bahagororerwa mu ivugabutumwa bahakoreye, anabizeza ubufasha kuri bimwe mu bikoresho by’aho basengera.
