Kuri uyu wa 24 Ukwakira 2023 mu magororero ya Ngoma,Musanze,Nyagatare na Nyamagabe, RCS kubufatanye na DiDe,Haguruka na prison Fellowship Rwanda mu mushinga iterwa inkunga na INTERPEACE hakoze isuzumabikorwa ku bayoborabiganiro n’ibiganiro bya MVURANKUVURE bihabwa abafunze mu rwego kubafasha kwiyubaka no kubohoka mu mitima.
Uyu munsi kuwa 24 Ukwakira 2023, ku Igororero rya Nyarugenge habereye Inteko y’abaturage y’Akarere ka Gasabo iyobowe n’Umuyobozi Wungirije w’Umujyi Madam wa Kigali Ushinzwe Ubukungu n’Imibereho myiza Urujeni Martine, arikumwe n’Umuyobozi nshingwabikorwa w’akarere ka Gasabo Umwali Pauline, murwego rwo gukemura bimwe mu bibazo ababarizwa mu mirenge y’akarere ka Gasabo bari mu Igororero rya Nyarugenge baba bafite.
Komiseri Mukuru w’Urwego rw’u Rwanda rushinzwe Igorora RCS CGP Evariste Murenzi n’itsinda rimuherekeje bari mu mujyi wa Antwerp, mu Bubiligi aho bitabiriye inteko rusange ya 25 n’Inama mpuzamahanga ku magereza no Kugorora (ICPA), ikaba ari Inama ngarukamwaka (AGM) izaba kuva ku italiki ya 22 kugeza kuri 27 Ukwakira 2023.
Komiseri Mukuru w’urwego rw’u Rwanda rushinzwe Igorora RCS CGP Evariste Murenzi, yasoje amahugurwa yaberaga ku ishuri rya RCS Training School Rwamagana, yatangwaga na UNITAR ishami rishinzwe gutanga amahugurwa no gukora ubushakashatsi mu muryango w’abibumbye yahabwaga abarimu ba RCS bazigisha abandi ibijyanye no kugarura amahoro no gukemura amakimbirane mubihugu birimo umutekano muke.
Itsinda riturutse muri Komisiyo y’uburenganzira bwa muntu, uyumunsi kuwa 20 Ukwakira 2023, ryasuye Igororero rya Rwamagana baganiriza Abantu bafunzwe n’Abagororwa, ku burenganzira bwa muntu ariko bibanda cyane ku burenganzira bw’umuntu ufunzwe.
Kucyicaro gikuru cy’urwego rw’u Rwanda rushinzwe Igorora RCS, uyumunsi kuwa 18 Ukwakira 2023, habereye Inama Mpuzabikorwa (Coordination Council Meeting) iyoborwa na Minisitiri w’Umutekano mu Gihugu, Alfred Gasana.
Urwego rw’u Rwanda rushinzwe Igorora RCS, kubufatanye n’urugaga rw’abubatsi mu Rwanda STECOMA, uyumunsi kuwa 16 Ukwakira 2023, ku Igororero rya Rwamagana hatanzwe isuzumabushobozi ku bagororwa n’Abantu bafunze bagera kuri 200, bize umwuga w’ubwubatsi bari mu Igororero.
Uyumunsi kuwa 10 Ukwakira 2023, ku Igororero rya Ngoma ry’abagore CGP Evariste Murenzi yasuye abagore bahagororerwa anataha ivomo rusange ry’amazi ryubatswe n’igororero rya Ngoma, arikumwe n’umuyobozi w’akarere Niyonagira Nathalie, murwego rw’imikoranire myiza n’abaturage.
Uyu munsi ku Igororero rya Nyamagabe, haje itsinda ry’abuyobozi b’Akarere ka Nyamagabe ririmo umuyobozi wako Niyomwungeri Hildebrand, basura Abagororwa n’abantu bafunze bakomoka mu karere ka Nyamagabe, mu rwego rwo kubaganiriza no kubamenyesha gahunda zitandukanye za Leta.
Uyu munsi ku wa 09 Ukwakira 2023, ku ishuri rya RCS Training School Rwamagana, UNITAR ishami rishinzwe gutanga amahugurwa no gukora ubushakashatsi mu muryango w’abibumbye ryatangije amahugurwa y’abarimu ba RCS bazigisha abandi ibijyanye no kugarura amahoro no gukemura amakimbirane mubihugu birimo umutekano muke, aba abarimu nabo bakazigisha abandi bitegura kujya mu butumwa bw’amahoro.
