Abana bagororerwa mu Igororero ry’abana rya Nyagatare mu bihangano bitandukanye bagaragarije abitabiriye umunsi w’umwana w’umunyafuriaka, ufite insanganyamatsiko igira iti “uburezi kuri bose igihe n’iki” bavuze imyato Leta y’u Rwanda uburyo idahwema kwita ku baturage bayo cyane abana ibaha uburezi kuri bose.
Nyiricyubahiro Musenyeri Sinayobye Eduard, Umushumba wa Diyosezi Gatolika ya Cyangugu, yatuye igitambo cya Misa mu Igororero rya Nyanza, aho yari aherekejwe n’abapadiri b’iyo diyosezi mu rwego rwo kogeza ubutumwa bwiza bw’Imana kuko n’abari mumagororero baba babukeneye.
Ubuyobozi bw’Igororero rya Rubavu, bwakoze igikorwa cyo koroza inka umuturage warokotse Jenoside yakorewe Abatutsi mu 1994, wo mu murenge wa Nyakiriba mu Karere ka Rubavu, mu rwego rwo guharanira iterambere ry’abaturage Igororero riherereyemo.
Umuyobozi w’akarere ka Ngoma wungirije ushinzwe imibereho myiza y’abaturage Mukayiranga Marie Gloriose, yizihirije umunsi wahariwe imbonezamikurire y’abana bato, yifatanya n’abana babana n’ababyeyi babo mu Igororero ry’abagore rya Ngoma mu kwizihiza uwo munsi.
Umushumba wa Diyosezi Gatolika ya Ruhengeri Vicent Harorimana, uyumunsi yatuye igitambo cya Misa mu Igororero rya Musanze, Munsenyeri Dr Kalimba Jered umushumba wa Angilikani Diyosezi ya Shyogwe nawe akora ivugabutumwa mu Igororero rya Muhanga.
Mu gikorwa cyo kwibuka abari abakozi b’amagereza bishwe muri Jenoside yakorewe Abatutsi mu 1994, cyabaye kuri uyu wa gatanu taliki ya 17 Gicurasi 2024, komiseri mukuru w’Urwego rw’u Rwanda rushinzwe Igorora RCS, yasabye abitabiriye icyo gikorwa kurangwa n’ubumuntu ndetse abakora mu rwego basabwa kujya basura imiryango y’abari abakozi b’amagereza barokotse.
Abagororwa bo mu Igororero rya Rwamagana bari bamaze igihe biga imyuga itandukanye ariyo ubwubatsi, gukora amazi, gusudira n’amashanyarazi uyu munsi taliki ya 14 Gicurasi 2024, bahawe impamyabushobozi zigaragaza ibyo bize.
Itorero rya ADEPR urembo rwa Nyarugenge, uyumunsi kuwa 12 Gicurasi 2024, ryakoze ivugabutumwa mu Igororero rya Nyarugenge, riherekejwe na Korari Hoziyana, izwi cyane mu ndirimbo zihimbaza Imana zarimo ubutumwa bw’Imana buhembura imitima ya benshi.
Nkuko mu gihugu hose nyuma y’icyumweru kiba cyarahariwe ibikorwa byo kwibuka, mu minsi ijana ibiganiro biba bigikomeje, akaba ariyo mpamvu umukozi wa minubumwe yatanze ikiganiro kirebana n’itegurwa rya Jenoside n’ishyirwamubikorwa ryayo mu Igororero rya Nyarugenge.
Abakozi 20 b’urwego rw’u Rwanda rushinzwe Igorora RCS, basoje amahugurwa y’iminsi ibiri yaberaga mu kigo gitanga amahugurwa no kikanatanga ubufasha muby’amategeko ILPD, akaba yari agamije gucunga amadosiye y’abantu bafunzwe n’abagorororwa, binyuze muri sisiteme y’ikoranabuhanga izwi nka IECMS.
