Komiseri Mukuru w’Urwego rw’U Rwanda rushinzwe Igorora RCS, CGP Juvenal Marizamunda we n’itsinda ryamuherekeje bitabiriye ihuriro mpuzamahanga muri Leta Zunze ubumwe za Amerika muri leta ya Florida, rihuza ibihugu mu kugorora na za gereza, rizamara iminsi itanu guhera kuwa 23-28 Ukwakira 2022, ni ihuriro rusange riri kuba ku nshuro yaryo ya 24 kuko riba buri mwaka mu gihugu kiba cyaratoranyijwe.

Imfungwa n’abagororwa ba Gereza ya Nyanza baravuga ko mu bibafasha kurushaho kugira imibereho myiza mu buzima bwabo bwa burimunsi, imikino n’imyidagaduro bitandukanye bibafasha gutuma babasha kurushaho kumera neza bagakora ibihano byabo neza.

Tariki 10 Ukwakira buri mwaka Isi yose yizihiza umunsi Mpuzamahanga wahariwe kwita ku buzima bwo mutwe, kuri iyi taliki U Rwanda narwo rwizihiza uyumunsi nkuko ku Isi yose bigenda, aho ku Rwego rw’Igihugu Rushinzwe Imfungwa n’Ibagororwa RCS, wizihirijwe kuri Gereza y’abagore ya Nyamagabe iherereye mu ntara y’amajyepfo mu karere ka Nyamagabe.

Taliki ya 03 Ukwakira 2022, SP Christine Mukankwaya umunyarwandakazi uri mu butumwa bw’amahoro muri Sudani, yahawe Igihembo n’Umuryango w’Abibumbye ishinzwe ibikorwa byo kugarura amahoro ku isi (UN), NK’umugore wagaragaje ubwitange no guhanga udushya mu butumwa bw’amahoro (UNISFA) muri Sudani mu gace ka Abyei.

Abatabiriye igitambo cya misa cyatuwe na Antoine Caridinali
Kambanda muri gereza ya Nyarugenge, bahawe umwanya maze bamugaragariza amarangamutima y’ibyishimo by’uko bari banyotewe no kumubona, bamuha impano ndetse banamusaba ko nawe hari impano yabahera bamwe mu bagiye batsinda amarushanwa atandukanye bagiye bitegurira mu rwego rw’imyidagaduro.

Nyiricyubahiro akaba na Arikisikopi wa Diyosezi Katorika ya Kigali Antoine Cardinal Kambanda, uyumunsi Taliki ya 02 Ukwakira, yatuye Igitambo cya Misa muri Gereza ya Nyarugenge anatanga isakaramento ryo gukomeza ku bakirisito 23, abwira abitabiriye icyo gitambo ko icyo Imana ibashakaho ari ukumera nk’abana bato kugirango babashye kwakira ubutumwa bwiza bw’Imana.

DCGP Rose Muhisoni Komiseri Mukuru wungirije muri RCS, yabivuze ku munsi wa kabiri w’ihuriro ry’Abagore b’Abacungagereza ryaberaga muri Lemigo Hotel kuva kuwa 20 -21 Nzeri 2022, aho yabasabye kwitabira gahunda zo kuboneza urubyaro, mu rwego rwo kwirinda kubyara abazabera umutwaro umuryango ndetse n’igihugu muri rusange anabasaba kwikuramo imyumvire ko badashoboye nabo bamwizeza impinduka.

Ibi Komiseri Mukuru W’Urwego rw’Igihugu Rushinzwe Imfungwa n’Abagororwa RCS DCGP Rose Muhisoni, yabitangaje mu ihuriro ry’abagore b’Abacungagereza b’Abagore riri kubera muri Lemigo Hotel rizamara iminsi ibiri, ndetse abaryitabiriye bahawe umwanya bagaragaza zimwe mu mbogamizi bahura nazo bijyanye n’imiterere y’akazi ndetse n’izindi zijyanye n’imiterere y’imibiri yabo hakiyongeraho no kwita ku miryango yabo.

Minisitiri w’Uburinganire n’Iterambere ry’Umuryango Prof Bayisenge Jeannette, yitabiriye Ihuriro ry’iminsi ibiri ry’Abacungagereza b’Abagore bakora mu rwego rw’Igihugu Rushinzwe Imfungwa n’Abagororwa RCS, uri kubera kuri Hotel Lemigo mu rwego rwo kurebera hamwe uburyo abagore mu kazi bakomeza kuba intangarugero mu kazi ndetse no gukomeza kububakira ubushobozi mu kazi no kugakora kinyamwuga.

Gereza y’abana ya Nyagatare iherereye mu Ntara y’Uburasirazuba mu Karere ka Nyagatare mu Murenge wa Nyagatare Akagali ka Barija, ikaba ifite umwihariko udasanzwe kuko ariyo yakira abana baba barakoze ibyaha mu Gihugu hose, iyo bamaze gukatirwa n’inkiko bitewe n’icyaha runaka umwana aba yarakoze ariko ataruzuza imyaka 18.