Ku mugoroba wa taliki 28 Ugushyingo 2022, CG Chilukutu S.S. Fredrick, Komiseri Mukuru w’amagereza mu gihugu cya Zambia ari kumwe n’itsinda ryaje rimuherekeje basuye Urwibutso rwa Jenoside yakorewe Abatutsi mu 1994 ruherereye mu mujyi wa Kigali mu murenge wa Gisozi, bunamira inzakarengane ziharuhukiye bashyira indabo ku mva baruhukiyemo.

Kuri uyu wa mbere taliki ya 28 Ugushyingo 2022, ku cyicaro gikuru cy’urwego rw’ u Rwanda Rushinzwe Igorora, CGP Juvenal Marizamunda Komiseri Mukuru wa RCS, yakiriye itsinda ry’abashyitsi baturutse mu gihugu cya Zambia bayobowe na CG Chilukutu S.S. Fredrick komiseri Mukuru w’amagereza muri icyo gihugu aho bari mu ruzinduko rw’iminsi itandatu mu Rwanda, aho bazasura amagororero atandukanye mu rwego rwo kungurana ubumenyi mu rwego rwo kugorora ndetse no gusura ibikorwa by’ubukerarugendo bitandukanye.

Mu nama Inama y’Abaminisitiri yateranye ku mugoroba wo kuri uyu wa Gatanu iyobowe na Nyakubahwa Perezida wa Repubulika y’U Rwanda Paul Kagame, tariki ya 11 Ugushyingo 2022 yemeje Iteka rya Perezida ritanga imbabazi ku bantu bafunzwe 12 harimo abana 5 bagororerwaga mu Igororero rya Nyagatare.

Ku Igororero rya Bugesera kuwa 10 Ugushyingo 2022, habereye umuhango wo gushikiriza RCS inyubako y’ishuri izigishirizwamo imyuga ryubatswe ku nkunga y’ubumwe bw’Ibihugu by’Uburayi biciye mu muryango uharanira amahoro mu karere k’ibiyaga bigari INTERPEACE, mu rwego rwo gufasha abantu bafunzwe kubona ubumenyi bategurwa gusubira mu buzima busanzwe.

Uyumunsi taliki ya 09 Ugushyingo 2022, Itsinda ry’abashyitsi riturutse mu gihugu cya Jamaica, riyobowe na Hon.Mr.Delroy Chuck,QC, MP, Minisitiri w’Ubutabera muri icyo Gihugu, basuye RCS, ku cyicaro Gikuru bakirwa n’Umuyobozi Mukuru w’uru rwego, CGP Juvenal Marizamunda, baganira ku ikoranabuhanga rikoreshwa mu gucunga amadosiye y’Abantu bafunzwe Integrated Electronic Case Management System (IECMS).

Itsinda ry’abashyitsi riturutse mu gihugu cya Botswana, riyobowe na Hon.Justice Mthomiwa Perezida w’Urukiko rwa Maun High court, uyu munsi kuwa 28 Ukwakira 2022, basuye icyicaro Gikuru cy’Urwego rw’u Rwanda Rushinzwe Igorora RCS, bakirwa n’Umuyobozi Mukuru wungirije w’uru rwego, DCGP Rose Muhisoni, baganira ku ikoranabuhanga rikoreshwa mu gucunga amadosiye y’Abantu bafunzwe Integrated Electronic Case Management System (IECMS).

Komiseri Mukuru w’Urwego rw’U Rwanda rushinzwe Igorora RCS, CGP Juvenal Marizamunda we n’itsinda ryamuherekeje bitabiriye ihuriro mpuzamahanga muri Leta Zunze ubumwe za Amerika muri leta ya Florida, rihuza ibihugu mu kugorora na za gereza, rizamara iminsi itanu guhera kuwa 23-28 Ukwakira 2022, ni ihuriro rusange riri kuba ku nshuro yaryo ya 24 kuko riba buri mwaka mu gihugu kiba cyaratoranyijwe.

Imfungwa n’abagororwa ba Gereza ya Nyanza baravuga ko mu bibafasha kurushaho kugira imibereho myiza mu buzima bwabo bwa burimunsi, imikino n’imyidagaduro bitandukanye bibafasha gutuma babasha kurushaho kumera neza bagakora ibihano byabo neza.

Tariki 10 Ukwakira buri mwaka Isi yose yizihiza umunsi Mpuzamahanga wahariwe kwita ku buzima bwo mutwe, kuri iyi taliki U Rwanda narwo rwizihiza uyumunsi nkuko ku Isi yose bigenda, aho ku Rwego rw’Igihugu Rushinzwe Imfungwa n’Ibagororwa RCS, wizihirijwe kuri Gereza y’abagore ya Nyamagabe iherereye mu ntara y’amajyepfo mu karere ka Nyamagabe.

Taliki ya 03 Ukwakira 2022, SP Christine Mukankwaya umunyarwandakazi uri mu butumwa bw’amahoro muri Sudani, yahawe Igihembo n’Umuryango w’Abibumbye ishinzwe ibikorwa byo kugarura amahoro ku isi (UN), NK’umugore wagaragaje ubwitange no guhanga udushya mu butumwa bw’amahoro (UNISFA) muri Sudani mu gace ka Abyei.