Kuri uyu wa Gatandatu taliki ya 25.03.2023, Abakozi b’Umwuga b’Igororero rya Huye bifatanije n’abaturage ndetse n’izindi nzego z’umutekano mu muganda rusange
ngaruka kwezi, umuganda wibanze ku gutema ibihuru biherereye iruhande rwa Kaminuza yu Rwanda ishami rya Huye byashobora kuba indiri y’abagizi ba nabi.

Uyumunsi kuwa 25/03/2023 abakozi b’igororero ry’abagore rya Ngoma bifatanyije n’abandi baturage b’ Akarere ka Ngoma mu muganda rusange soza ukwezi, wabereye mu murenge wa Kibungo, Akagali ka Cyasemakamba, umudugudu wa Rubimba, witabirirwa n’inzego z’umutekano arizo RCS, RDF na RNP n’umuyobozi w’umurenge wa kibungo hamwe n’abaturage b’uwo murenge.

Ibigo bitegamiye kuri Leta aribyo Rotary na Juste page ibinyujije mu mushinga Integrated Children Post Prison Organisation(ICPO), uyumunsi taliki ya 24 Werurwe 2023, batanze imashini 10 zidoda ku bagore bagororerwa ku Igororero rya Nyamagabe, bazifashisha mu mwuga w’ubudozi biga uzanabateza imbere basoje ibihano byabo.

Ku gicamunsi cy’ejo kuwa 23 Werurwe 2023, ku Igororero rya Musanze rigororerwamo abagabo n’abagore, habaye igikorwa cy’uvugabutumwa cyakozwe n’itorero ADEPR/Musanze paruwasi ya Ruhengeri ku bufatanye na ADEPR mu Rwanda, habaho n’umuhango wo kubatiza bamwe mu bayoboke b’iryo torero bagororerwa muri iryo gororero, hanatangwa bimwe mu bikoresho nkenerwa byifashishwa n’abari mu Igororero harimo imyenda n’ibikoresho by’isuku.

Kugicamunsi cyo kuri uyu wa kane taliki ya 23 Werurwe 2023, kuri sitade y’Akarere ka Nyagatare habere umukino wahuje amakipe abiri ariyo iy’Abakozi b’Urwego b’Umwuga b’Igororero rya Nyagatare niy’Abapolisi bakorera mu karere ka Nyagatare, umukino urangira ikipe y’Igororero rya Nyagatare itsinze iya polisi ibitego bibiri kubusa.

Mu ishuri ryigisha amategeko no kuyateza imbere, ILPD, riherereye mu karere ka Nyanza, kuri uyu wambere taliki 20 Werurwe 2023, Urwego rw’u Rwanda rushinzwe Igorora kubufatanye na Minisiteri y’Ubutabera batangije amahugurwa y’abakoresha ikoranabuhanga(IT Officer), abashinzwe kwinjiza muri sisiteme ( Registrar Officers) abinjiye n’abafite aho bahuriye na IECMS baturutse ku magororero yose mu Gihugu, mu rwego rwo kurushaho gusobanukirwa neza imikorere y’ikoranabuhanga rya IECMS.

ADEPR- Gicumbi kuri iki cyumweru taliki ya 12 Werurwe 2023, yakoreye igiterane ku Igororero rya Gicumbi inabatiza bamwe mu bayoboke bayo bahagororerwa, Nkuko Urwego rw’u Rwanda rushinzwe Igorora rufite inshingano zo kugorora abakoze ibyaha, mu kugorora harimo ibintu byinshi aho Abantu bafunzwe bahabwa uburenganzira bwo gusengera mu idini wihitiyemo, ni muri urwo rwego ADEPR Paruwasi ya Gicumbi, yasabye gukorerara igiterane mu Igororero rya Gicumbi bagamije no kwamamaza ubutumwa bwiza.

Igororero rya Nyarugenge kuri uyu wa Kane Taliki ya 09 Werurwe 2023, ryasuwe na Ambasaderi wa Zimbabwe mu Rwanda Prof. Charity Manyeruke, arikumwe na CG Moses Cyril Ngawaite Chihobvu, n’itsinda ry’Abantu batatu bazanye baje gusura Urwego rw’u Rwanda rushinzwe Igorora, baherekejwe na Komiseri Mukuru wa RCS, CGP Juvenal Marizamunda mu rwego rwo kureba uko Amagororero akora n’uburyo yubahiriza uburenganzira bwa muntu.

Urwego rw’u Rwanda rushinzwe igorora rwizihirije uyu munsi mukuru mu igororero ry’Abagore rya Ngoma rihereye mu karere ka Ngoma aho hibanzwe ku nsanganyamatsiko igira iti” Ntawe uhejwe: Guhanga udushya n’ikoranabuhanga biteza imbere uburinganire.”

Mu rwego rwo kwigiranaho no guhanahana ubumenyi, uruzinduko rwa CG Moses Cyril Ngawaite Chihobvu, Komiseri Mukuru w’Amagereza no Kugorora mu Gihugu cya Zimbabwe n’itsinda bazanye mu Rwanda baherekejwe na Komiseri Mukuru wungirije w’Urwego rw’u Rwanda rushinzwe Igorora RCS DCGP Rose Muhisoni, arikumwe n’abandi bakozi ba RCS basuye Igororero rya Nyanza n’Ingoro y’amateka y’Abami I Nyanza mu Rukari.