Ku Igororero rya Nyarugenge uyumunsi kuwa 15 Gashyantare, habaye umuhango wo gutangiza ikoranabuhanga mu kuburana E- Court System, ni uburyo buzafasha abari mu magororero kubona ubutabera muburyo buboroheye aho umucamanza aburanisha uwakoze icyaha bitamusabye ko aza mu rukiko akaburana hakoreshejwe ikoranabuhanga barebana imbona nkubone bategeranye iburanisha rigakomeza.

Komiseri Mukuru wungirije w’Urwego rwu Rwanda rushinzwe Igorora RCS, DCGP Rose Muhisoni, kuwa gatatu taliki 25 Mutarama 2023, yagiriye uruzinduko ku Igororero ry’abagore rya Ngoma, aganira nabo ndetse anafata umwanya wo kuganira n’abakozi ku bijyanye n’imiterere y’akazi ka buri munsi n’imbogamizi baba bahura nazo.

Kuri uyu wa mbere taliki ya 19 Ukuboza 2022, Komiseri Mukuru w’Urwego rw’u Rwanda rushinzwe Igorora, CGP Juvenal Marizamunda yakiriye mugenzi we Komiseri Mukuru w’Amagereza muri Kenya Brigadier (Rtd)John Kabaso Warioba, arikumwe n’itsinda rimuherekeje, bagirana ibiganiro by’imikoranire hagati y’inzego zombi mu rwego rwo guteza imbere urwego rwo kugorora abagonganye n’amategeko.

Ku ishuri ry’Urwego rw’u Rwanda rushinzwe Igorora RCS Rwamagana Training School, riherereye mu Karere ka Rwamagana, kuri uyu wa 13 Ukuboza 2022, Minisitiri w’Umutekano mu gihugu Alphred Gasana yinjije Abakozi b’Umwuga b’Urwego rw’U Rwanda rushinzwe Igorora bato 444, umuhango witabiriwe n’inzego zitandukanye harimo iz’ibanze n’Uzumutekano mu Gihugu.

Kuri uyu munsi taliki ya 08 Ukuboza 2022, ku Igororero rya Nyarugenge itsinda riturutse mu muryango w’Ubumwe bw’Uburayi ryasuye Igororero rya Nyarugenge, berekwa amashuri y’imyuga n’ubumenyingiro Ubwami bw’Ubuholande bwateyemo inkunga hubakwa inyubako zitandukanye n’ibikoresho bikoreshwamo bigezweho nabo bagakomereza aho bari bageze kuko igihe cyabo bari barihaye cyari cyarangiye.

Uyu munsi taliki ya 6 Ukuboza 2022, KU Cyicaro Gikuru cya RCS, giherereye mu mujyi wa Kigali mu murenge wa Kanombe, Komiseri Mukuru w’Urwego rw’u Rwanda Rushinzwe Igorora(RCS) CGP Juvenal Marizamunda n’ Umuyobozi Mukuru w’Ikigo cy’Ubushakashatsi n’Iterambere mu byerekeye Inganda(NIRDA) Dr Christian Sekomo Birame, bashyize umukono ku masezerano y’ubufatanye (MoU).

CG S.S.Fredrick Chilukutu Komiseri Mukuru w’amagereza muri Zambia, aherekejwe na Komiseri Mukuru wungirije muri RCS, DCG Rose Muhisoni ndetse n’itsinda rimuherekeje basuye Igororero rya Rubavu berekwa imikorere ya Biogaz umwanda ubyazwa ingufu zigakoreshwa mu guteka no gucana mu rwego rwo kurengera ibidukikije Banasura umupaka w’u Rwanda na Congo I Rubavu berekwa uko ukora.

Kuwa 29 ugushyingo 2022, Komiseri Mukuru w’Amagereza mu gihugu cya Zambia CG S.S.Fredrick Chilukutu, aherekejwe na Komiseri Mukuru wa RCS CGP Juvenal Marizamunda, basuye Minisiteri y’Umutekano mu gihugu bakirwa n’umunyamabanga uhoraho muri iyo minisiteri Sesonga Benjamin, abasobanurira inshingano zitandukanye zuko iyo Minisiteri ikora n’uburyo Urwego rw’u Rwanda Rushinzwe Kugorora rukora kuko ruri mu nshingano zabo.

Ku mugoroba wa taliki 28 Ugushyingo 2022, CG Chilukutu S.S. Fredrick, Komiseri Mukuru w’amagereza mu gihugu cya Zambia ari kumwe n’itsinda ryaje rimuherekeje basuye Urwibutso rwa Jenoside yakorewe Abatutsi mu 1994 ruherereye mu mujyi wa Kigali mu murenge wa Gisozi, bunamira inzakarengane ziharuhukiye bashyira indabo ku mva baruhukiyemo.

Kuri uyu wa mbere taliki ya 28 Ugushyingo 2022, ku cyicaro gikuru cy’urwego rw’ u Rwanda Rushinzwe Igorora, CGP Juvenal Marizamunda Komiseri Mukuru wa RCS, yakiriye itsinda ry’abashyitsi baturutse mu gihugu cya Zambia bayobowe na CG Chilukutu S.S. Fredrick komiseri Mukuru w’amagereza muri icyo gihugu aho bari mu ruzinduko rw’iminsi itandatu mu Rwanda, aho bazasura amagororero atandukanye mu rwego rwo kungurana ubumenyi mu rwego rwo kugorora ndetse no gusura ibikorwa by’ubukerarugendo bitandukanye.