CG Evariste Murenzi ari mu ruzinduko rw’akazi rw’iminsi ibiri(2) mu Gihugu cya Namibiya ku butumire bwa mugenzi we ushinzwe Igorora muricyo Gihugu, CG Raphael T Humunyela. Aba bayobozi bombi bakaba bashyize umukono ku ishyirwa mu bikorwa ry’ibikubiye mu masezerano y’ubufatanye yasinywe mu ntangiriro z’umwaka wa 2025.
Uyu munsi, Nyiricyubahiro Antoine Cardinal Kambanda yasuye Igororero rya Nyarugenge, ari kumwe n’itsinda ry’abihayimana barimo abapadiri n’ababikira, mu rugendo rw’ubutumwa rugamije gufasha abagororwa mu mibereho yo mu mwuka no mu rugendo rwo kugororoka.
Kuri uyu wa Kane tariki ya 13 Ugushyingo 2025, mu Igororero rya Nyarugenge, Perezida w’Urukiko rw’Ikirenga Hon. Domitilla Mukantaganzwa n’abandi bayobozi batandukanye mu nzego z’umutekano n’iz’ubutabera, batangije igikorwa cy’ubuhuza bugamije kwemera icyaha (plea-bargaining) mu magororero.
Kuri uyu wa 12 Ugushyingo 2025, ku Igororero ry’abana rya Nyagatare basuwe n’ubuyobozi bwa Minisiteri y’Uburezi hamwe n’itangazamakuru bareba uko abana bo muri iri Gororero biga n’uburyo ireme ry’uburezi buhatangirwa ryazamutse.
Bamwe mubahawe serivisi z’ubuhuza izwi nka” Plea Burgaining” barishimira ubu buryo kuko butuma babohokerana uwakoze icyaha agasaba imbabazi uwo yagikoreye bakazagera imbere y’umucamanza byaramaze guhabwa umurongo bikoroshya imikirize y’urubanza.
Muri iki cyumweru ku Igororero rya Rubavu, habaye igikorwa cyo gupima abagororwa baho indwara y’Igituntu hakoreshejwe imashini izwi nka X-Ray Machine mu rwego rwo guha ubuvuzi abanyarwanda hagamijwe gukumira iyo ndwara.
