Ku itariki 12 Ukuboza 2025, mu Gihugu cya Zimbabwe habereye umuhango wo gusoza amasomo yo ku rwego rwo hejuru mu bukungu n’imiyoborere kuri ba Ofisiye 42 barimo batanu (5) b’Urwego rw’u Rwanda Rushinzwe Igorora RCS.
Kuri iki Cyumweru tariki ya 14 Ukuboza 2025, abagize itsinda rya Alarm Ministries ndetse n’Itorero rya Calvary Wide Fellowship Ministries bakoreye igiterane mu Igororero rya Nyarugenge aho bifatanyije n’abagororwa b’Abakiristo bagororerwa muri iri Gororero ndetse n’abashyitsi baturutse mu yandi madini n’amatorero.
Nyuma yo gusura urwibutso rwa Kigali rushinguyemo imwe mu mibiri y’inzirakarengane z’abatutsi bishwe muri Jenoside muri Mata 1994, Abanyeshuri bari ku masomo abagira ba Ofisiye bato ba RCS, bakomereje ku Ngoro y’amateka yo guhagarika Jenoside bakorwa ku mutima n’ubutwari bwaranze ingabo zari iza RPA zitanze zigahagarika ubwicanyi bwakorerwaga abatutsi.
Uyumunsi kuwa 13 Ukuboza 2025, Abanyeshuri bari ku masomo abategura kuba ba ofisiye bato(Cadet course)b’urwego rw’u Rwanda rushinzwe Igorora RCS, basuye Urwibutso rwa Jenoside yakorewe Abatutsi muri Mata 1994 rwa Kigali, basobanurirwa amateka mabi yaranze u Rwanda akarugeza mu icuraburindi rya Jenoside.
Kuri uyu wa Gatandatu tariki ya 06 Ukuboza 2025, Komiseri Mukuru w’Urwego rw’u Rwanda rushinzwe Igorora, RCS CG Evariste Murenzi n’abandi bayobozi mu nzego z’ibanze n’umutekano ku rwego rw’Akarere ka Nyagatare basuye bamwe mu bakorera igihano cy’inyungu rusange muri aka Karere. Ni igikorwa cyabaye mu rwego rwo kureba aho ishyirwa mu bikorwa rigeze ry’iteka rya Perezida No 22/O1 ryo kuwa 31/Werurwe 2023 rigena igihano cy’imirimo y’Inyungu rusange
Ku gicamunsi cyo kuri uyu wa 2 Ukuboza 2025, Umunyamabanga Uhoraho muri Minisiteri y’Uburinganire n’Iterambere ry’Umuryango (MIGEPROF), Madamu Mireille Batamuliza, yaganirije bakorera ku Biro Bikuru by’Urwego rw’u Rwanda rushinzwe Igorora (RCS HQs), mu bikorwa by’ubukangurambaga bugamije gukumira icuruzwa ry’abantu no kurwanya ihohotera rishingiye ku gitsina.
Mu muhango wa wabereye ku Cyicaro Gikuru cya RCS, muri iki gitondo cyo kuri uyu wa Gatanu tariki ya 28 Ugushyingo 2025, Urwego rw’u Rwanda rushinzwe Igorora(RCS) n’Itorero Anglicani mu Rwanda(EAR) byasinyanye amasezerano y’imikoranire. Ni amasezerano yashyizweho umukono na Komiseri Mukuru wa RCS, CG Evaritse Murenzi na Rev. Stephen Saano wari uhagarariye Most Rev. Dr Laurent Mbanda EAR.
Uyu munsi tariki ya 27 Ugushyingo 2025, abagororwa bo mu Igororero rya Nyarugenge bahawe impamyabumenyi nyuma yo kurangiza amasomo bahawe ateguwe n’Urwego rw’u Rwanda rushinzwe Igorora (RCS) ku bufatanye na ‘Prison Fellowship Rwanda’.
CG Evariste Murenzi ari mu ruzinduko rw’akazi rw’iminsi ibiri(2) mu Gihugu cya Namibiya ku butumire bwa mugenzi we ushinzwe Igorora muricyo Gihugu, CG Raphael T Humunyela. Aba bayobozi bombi bakaba bashyize umukono ku ishyirwa mu bikorwa ry’ibikubiye mu masezerano y’ubufatanye yasinywe mu ntangiriro z’umwaka wa 2025.
Uyu munsi, Nyiricyubahiro Antoine Cardinal Kambanda yasuye Igororero rya Nyarugenge, ari kumwe n’itsinda ry’abihayimana barimo abapadiri n’ababikira, mu rugendo rw’ubutumwa rugamije gufasha abagororwa mu mibereho yo mu mwuka no mu rugendo rwo kugororoka.
