Uyu munsi tariki ya 18 Werurwe 2026, intumwa za Komisiyo y’Igihugu y’Uburenganzira bwa Muntu, ziyobowe na Komiseri Gahongayire Aurelie, zagiriye uruzinduko mu Ngando ya TIG-Muhazi mu Karere ka Rwamagana mu rwego rwo kureba imibereho y’abagororwa bari kuharangiriza ibihano by’imirimo nsimburagifungo.
Mu gikorwa cyo gushyira mu ngiro icyemezo cy’Inama y’abaminisitiri cyo gufungura by’agateganyo abagororwa bagera ku 1874, Komiseri Mukuru Wungirije w’Urwego rw’u Rwanda rushinzwe Igorora DCG Rose Muhisoni, kuri uyu wa 05 Werurwe 2026, yaganirije abafunguwe ku Igororero rya Nyarugenge abasaba kuzitwara neza, bubahiriza amategeko no gukoresha neza amahirwe bahawe yo gusubira mu buzima busanzwe.
Kuri uyu wa 23 Gashyantare 2026, Komiseri Mukuru wa RCS, CG Evariste Murenzi yakiriye Madamu Graciela Gatti Santana, Perezida w’Urukiko Mpuzamahanga rwa IRMCT (International Residual Mechanism for Criminal Tribunals), ku Cyicaro Gikuru cya RCS mu ruzinduko rw’akazi yajemo.
Kuri uyu wa Gatatu tariki ya 28 Mutarama 2026, Ku Cyicaro Gikuru cya RCS, CG Evariste Murenzi yakiriye Itsinda ry’Abagize Inteko Ishinga Amategeko ya Namibia aho bari mu rugendoshuri rugamije kwigira ku byiza u Rwanda rumaze kugeraho ndetse na politike y’igorora.
Kuri uyu wa 27 Mutarama 2026, ku Igororero rya Nyarugenge habereye igikorwa cy’ubutabera bw’ubuhuza bushingiye ku kwemera icyaha bizwi nka ( plea bargaining). Ni igikorwa cyitabiriwe n’abayobozi batandukanye mu nzego z’ubutabera n’umutekano, barimo Umuvugizi w’Inkiko mu Rwanda, Justice Harrisson Mutabazi, Perezida w’urukiko rwisumbuye rwa Nyarugenge, Abahagarariye Polisi na RIB muri aka Karere, Uhagariye Ubushinjacyaha ku Rwego Rwisumbuye ndetse n’abandi bacamanza n’abashinjacyaha bo mu nkiko z’ibanze za Nyarugenge, Gasabo,na Kicukiro ndetse n’Urukiko Rwisumbuye rwa Nyarugenge.
Uyumunsi taliki 26 Mutarama 2026, Ku Igororero rya Muhanga habereye igikorwa cy’ubutabera bw’ubuhuza n’ubwumvikane bushingiye ku kwemera icyaha, cyitabirwa n’umuyobozi w’urukiko rw’ikirenga wungirije, Hitiyaremye Alphonse, aho yasabye abagororwa kwitabira izo serivisi kuko zatanze umusaruro aho zimaze gukorwa.
Iyo winjiye mu Igrorero rya Rubavu, uhasanga ishuri n’uruganda bifite ibikoresho bigezweho byigishirizwaho abagorora gukora inkweto z’ubwoko butandukanye n’ibindi bikoresho bikorwa mu ruhu, birimo: ibikapu bigezweho, imikandara, amakofi n’ibindi bikoresho bikenerwa mu buzima bwa buri munsi.
Ku Cyumweru tariki ya 18 Mutarama 2026, mu Mujyi wa Kigali nibwo habaye siporo rusange iba buri kwezi izwi nka Car Free Day, yitabiriwe n’abaturage b’ingeri zitandukanye, barimo n’abakozi b’Urwego rw’u Rwanda rushinzwe Igorora (RCS) mu rwego rwo gushyigikira siporo nk’inkingi y’ubuzima bwiza.
Nyuma yo kugirana ikiganiro na Komiseri Mukuru wa RCS, Bwana Andrew Corley uyobora Umuryango Mpuzamahanga Prison Fellowship International (PFI), yakomereje uruzinduko rwe ku Igororero rya Nyarugenge kuri uyu wa 15 Mutarama 26, kuganira n’abagororwa.
Kuri uyu wa 14 Mutarama 2026, Komiseri Mukuru w’Urwego rw’u Rwanda rushinzwe Igorora RCS, CG Evariste Murenzi yagiranye ibiganiro n’Umuyobozi Mukuru w’Umuryango Mpuzamahanga ‘Prison Fellowship International’ Bwana Andrew Corley ku Cyicaro Gikuru cya RCS, hamwe n’ubuyobozi bw’ishami ryawo mu Rwanda, ‘Rwanda Prison Fellowship, baganira ku musaruro umaze kugerwaho no kongera ubufatanye muri gahunda z’igorora.
