Ku bufatanye n’Urwego rw’u Rwanda rushinzwe Igorora, RCS na Servers of Almighty Group(SOAG), bahaye impano z’iminsi mikuru abagororwa bo mu Igororero rya Bugesera kuri uyu m wa Gatanu tariki ya 26 Ukuboza 2025.
Kuri uyu wa 24 Ukuboza 2025, hasojwe amahugurwa yateguwe n’Urwego rw’u Rwanda rushinzwe Igorora (RCS) ku bufatanye na Minisiteri y’Ubutabera (MINIJUST) yari amaze iminsi ibiri atangirwa mu magororero 14 hirya no hino mu gihugu, agamije kongerera ubumenyi abakozi b’amagororero ku bijyanye n’uburenganzira bwa muntu no gukumira icuruzwa ry’abantu.
Kuri uyu wa 23 Ukuboza 2025, Urwego rw’Urwanda rushinzwe Igorora RCS ku bufatanye n’Itorero Angilikani ry’u Rwanda (EAR) na Minisiteri y’Ubutabera bifatanyije n’abana bagororerwa mu Igororero rya Nyagatare mu kwizihiza no gusangira umunsi mukuru wa Noheri, mu rwego rwo kubibutsa ko bakunzwe kandi bakwiye kugororoka.
Ku gicamunsi cyo kuri uyu wa 23 Ukuboza 2025, Komiseri mukuru wa RCS CG Evariste Murenzi yakiriye Umushumba Mukuru w’Itorero ADEPR Rev. Ndayizeye Isaie ku Cyicaro Gikuru cya RCS, baganira ku Ntambwe imaze guterwa ku masezerano y’ubufatanye bagiranye mu mwaka wa 2023 ajyanye n’ivugabutumwa mu Magororero, iterambere n’imibereho myiza y’abagororwa no guteza imbere uburezi n’ikoranabuhanga mu magororero.
Ku bufatanye na Minisiteri y’Ubutabera n’abandi bafatanyabikorwa barimo Rwanda Bridges to Justice n’Urugaga rw’Abavoka mu Rwanda, kuri uyu wa 22 Ukuboza 2025, Urwego rw’u Rwanda rushinzwe Igorora, RCS rwasangiye n’abagororwa bo mu Igororero rya Nyarugenge Iminsi mikuru isoza umwaka wa 2025. Ni igikorwa cyabaye mu rwego rwo guha Noheri no kwifuriza umwaka mushya muhire wa 2026 abagororwa by’umwihariko n’abagore bo muri iri Gororero n’abana babo bataruzuza imyaka itatu yo kujyanwa mu miryango.
Ku itariki 12 Ukuboza 2025, mu Gihugu cya Zimbabwe habereye umuhango wo gusoza amasomo yo ku rwego rwo hejuru mu bukungu n’imiyoborere kuri ba Ofisiye 42 barimo batanu (5) b’Urwego rw’u Rwanda Rushinzwe Igorora RCS.
Kuri iki Cyumweru tariki ya 14 Ukuboza 2025, abagize itsinda rya Alarm Ministries ndetse n’Itorero rya Calvary Wide Fellowship Ministries bakoreye igiterane mu Igororero rya Nyarugenge aho bifatanyije n’abagororwa b’Abakiristo bagororerwa muri iri Gororero ndetse n’abashyitsi baturutse mu yandi madini n’amatorero.
Nyuma yo gusura urwibutso rwa Kigali rushinguyemo imwe mu mibiri y’inzirakarengane z’abatutsi bishwe muri Jenoside muri Mata 1994, Abanyeshuri bari ku masomo abagira ba Ofisiye bato ba RCS, bakomereje ku Ngoro y’amateka yo guhagarika Jenoside bakorwa ku mutima n’ubutwari bwaranze ingabo zari iza RPA zitanze zigahagarika ubwicanyi bwakorerwaga abatutsi.
Uyumunsi kuwa 13 Ukuboza 2025, Abanyeshuri bari ku masomo abategura kuba ba ofisiye bato(Cadet course)b’urwego rw’u Rwanda rushinzwe Igorora RCS, basuye Urwibutso rwa Jenoside yakorewe Abatutsi muri Mata 1994 rwa Kigali, basobanurirwa amateka mabi yaranze u Rwanda akarugeza mu icuraburindi rya Jenoside.
Kuri uyu wa Gatandatu tariki ya 06 Ukuboza 2025, Komiseri Mukuru w’Urwego rw’u Rwanda rushinzwe Igorora, RCS CG Evariste Murenzi n’abandi bayobozi mu nzego z’ibanze n’umutekano ku rwego rw’Akarere ka Nyagatare basuye bamwe mu bakorera igihano cy’inyungu rusange muri aka Karere. Ni igikorwa cyabaye mu rwego rwo kureba aho ishyirwa mu bikorwa rigeze ry’iteka rya Perezida No 22/O1 ryo kuwa 31/Werurwe 2023 rigena igihano cy’imirimo y’Inyungu rusange
