Mu karere ka Bugesera mu murenge wa Ruhuha tariki ya 27/09/2018 abagororwa 100 basabye imbabazi imiryango bakoreye ibyaha muri genoside yakorewe abatutsi 1994. Ni igikorwa cyateguwe n’Urwego rw’Igihugu Rushinzwe Imfungwa n’Abagororwa RCS k’ubufatanye n’Umuryango w’Ivugabutumwa mu magereza Prison Fellowship Rwanda

Ubuhamya bwatanzwe n’abagororwa basobanuye uburyo bakoze icyaha, basaba imbabazi  bemerera abari aho ko  batazongera  gukora icyaha cy’ubwicanyi ndetse n’ibindi byaha muri rusange.

Abarokotse jenoside yakorewe abatutsi biciwe ababo, nabo bavuze ko kuba barahemukiwe bitagomba gutuma bahora mu gahinda ahubwo ngo ni ngombwa gutanga imbabazi mu rwego rwo gushimangira gahunda  y’ubumwe n’ubwiyunge

Umunyamabanga nshingwabikorwa wa komisiyo y’Igihugu y’Ubumwe n’Ubwiyunge Fidele Ndayisaba avuga ko kugaragaza ukuri ku mateka yaranze u Rwanda aribyo bizatuma igipimo cy’ubumwe n’ubwiyunge kirushaho kuzamuka mu banyarwanda.

                                     CP J Bosco KABANDA atanga ubutumwa kubasabye imbabaz

Uhagarariye Urwego  Rwigihugu  rushinzwe  Imfungwa n’abagororwa RCS muri iki gikorwa CP Jean Bosco KABANDA yabajije abagororwa  niba imbabazi basabye  bazikuye  ku mutima  basubiza ko bazikuye ku mutima maze  abasaba ko  bagenda  bakigisha  n’abandi  bagororwa   gusaba imbabazi kuko bibabohora umutima, bagakora igihano cyabo nta bindi bibazo bafite bikomoka kuri icyo

Kugeza ubu abagororwa baregwa  icyaha  cya Genocide barimo krangiza ibihano  ni 28604 muri abo 283ni abari mu ngando ya  TIG . Abagororwa basabye imbabazi ku byaha bya genoside yakorewe abatutsi bakoze bagera 15%.

                                   Abagororwa barikumwe ntabo biciye muri Genocide 1994