Mu kigo kizajya kinyuzwamo ababura igihe gito ngo basoze ibihano Social Reintegration Centre giherereye mu Karere ka Rwamagana, kuri uyu wa gatanu tariki ya 31 Ukawakira 2025, habereye ibirori byo kwizihiza Umunsi Mpuzamahanga w’Umugore wo mu cyaro wabaga ku nshuro ya 28.
Kuri uyu wa Kabiri tariki 28 Ukwakira 2025, Abayobozi batandukanye b’Umujyi wa Kigali bari bayobowe n’Umuyobozi wungirije ushinzwe Imibereho myiza n’Iterambere ry’Abaturage mu Mujyi wa Kigali, Madam Urujeni Martine, basuye Igororero rya Nyarugenge riherereye mu Murenge wa Mageragere, bagirana ibiganiro n’abagororwa bahagororerwa.
Mu ruzinduko amazemo iminsi mu Rwanda, Binta Mansaray Umwanditsi Mukuru w’Urukiko Mpuzamahanga Rudasanzwe rwashyiriweho kuburanisha ibyaha by’intambara muri Sierra Leone, uyu munsi taliki ya 16 Ukwakira 2025 yakomereje urugendo ku Igororero rya Nyarugenge aho yasuye gahunda zitandukanye z’igorora n’izorohereza abagororwa kubona ubutabera uko bikwiye.
Kuri uyu wa 15 Ukwakira 2025, Komiseri mukuru w’Urwego rw’u Rwanda rushinzwe Igorora (RCS) CG Evariste Murenzi yakiriye Binta Mansaray, Umwanditsi Mukuru w’Urukiko Mpuzamahanga Rudasanzwe rwashyiriweho kuburanisha ibyaha by’intambara muri Sierra Leone, akaba ari mu ruzinduko rugamije gushimangira ubufatanye no gusuzuma ishyirwa mu bikorwa ry’amasezerano y’ubufatanye yasinywe mu mwaka wa 2009 ajyanye no gushyira mu bikorwa ibihano byafatiwe bamwe mu baciriwe imanza n’uru rukiko.
Iyo ugeze ku magororero cyanecyane ku munsi w’isura rusange aho abantu baturutse hirya no hino mu gihugu baba baje gusura abagorora n’abantu babo bafunzwe, usanga hari abagororwa n’abakozi bashinzwe Igorora bacuruza ibikoresho bitandukanye byiganjemo iby’ubukorikori n’ubugeni bikorwa n’abagororwa, kandi umusaruro wabyo ugirira akamaro abagororwa kuko nabo bawifashisha bahaha ibyo bakenera byisumbuye ku byo baba bagenewe.
Kuva tariki ya 1 Ukwakira 2025 Urwego rw’u Rwanda rushinzwe Igorora RCS,rwatangaje ko habayeho impinduka mu bijyanye no gusura abagororwa n’abantu bafunze aho umuntu ushaka kugira icyo aha umuntu we uri mu igororero azajya amwoherereza amafaranga kuri telephone y’igororero umugororwa akaba ariwe wihahira ibyo akeneye.
