Kuri uyu wa Gatatu tariki ya 9 Nyakanga 2025, ibizamini bya Leta bisoza icyiciro rusange (S3) n’icya kabiri cy’amashuri yisumbuye (S6) byatangiye ku rwego rw’igihugu, bikazamara iminsi icumi kugeza ku wa 18 Nyakanga 2025. Ni muri urwo rwego n’abana bagororerwa mu Igororero ry’abana rya Nyagatare batangiye gukora ibyo bizamini, nk’abandi banyeshuri bo mu gihugu hose.
Aba bana batangiye ibizamini, harimo abahungu 16 ndetse n’umukobwa umwe. Bose uko ari 17 bari gukorana n’abandi bana ku Rwunge rw’amashuri rwa Nyagatare (GS Nyagatare).
Kuva ku wa 16 Kamena 2025, Komisiyo y’Igihugu Ishinzwe Uburenganzira bwa Muntu (NCHR) yatangije igikorwa ngarukamwaka cyo kugenzura ishyirwa mu bikorwa ry’uburenganzira bwa muntu mu magororero yo mu Rwanda. Ni gahunda yatangiriye ku Magororero ya Nyarugenge, Huye na Bugesera, ariko ikazakomereza no mu yandi Magororero yose.
Kuri uyu wa mbere tariki ya 16 Kamena 2025, Inama Njyanama y’Akarere ka Huye iyobowe na Dr Kagwesage Anne bari kumwe n’umuyobozi wa Komisiyo y’imiyoborere myiza mu nama Njyanama mu Ntara y’Amajyepfo Madame Mugwaneza Evanys n’abandi bakorana, basuye banaganiriza abagororwa n’abantu bafunze bari mu Igororero ry’abagore rya Nyamagabe.
Uyu munsi tariki ya 11 Kamena 2025, abakozi b’Urwego rw’u Rwanda rushinzwe Igorora (RCS) mu gikorwa cyo kwibuka ku nshuro ya 31, bibutse abahoze ari abakozi ba za Gereza n’abagororwa bazize Jenoside yakorewe Abatutsi mu 1994 mu gikorwa cyabereye ku Rwibutso rwa Jenoside rwa Kigali ku Gisozi.
Nyiricyubahiro Musenyeri Jean Bosco Ntagungira, Umushumba wa Diyosezi Gatolika ya Butare, taliki ya 08 Kamena 2025 umunsi wa pantekote, yatuye igitambo cya Misa mu Igororero rya Huye aho yari aherekejwe n’abapadiri 07 n’ababikira 09 atanga amasakaramentu atandukanye.
Uyu munsi tariki ya 3 Kamena 2025, ku Igororero ry’abana rya Nyagatare basuwe na Hon. Nyirahabimana Soline, Visi Perezida wa Sena y’u Rwanda ari kumwe na Komiseri Mukuru Wungirije w’Urwego rw’u Rwanda rushinzwe Igorora (RCS) baganira n’abana bahagororerwa.
Mu ishuri ry’imyuga n’ubumenyingiro ry’Igororero rya Bugesera abagororwa bigamo bashimishijwe n’ubumenyi bahigira bakaba banatanga icyizere ko nyuma yo kurangiza ibihano byabo batazabera umutwaro igihugu kuko bazaba bashoboye kwibeshabo bo ubwabo ndetse n’imiryango yabo bijyanye n’ibyo bigiye mu igororero.
Uyu munsi Tariki ya 30 Gicurasi 2025 Ku Igororero ry’abagore rya Nyamahabe abagororwa 53 bahamwe n’ibyaha bya Jenoside yakorewe Abatutsi mu 1994 basoje amahugurwa y’iminsi 10 yo Gusigasira Ubumwe n’Ubudaheranwa bw’Abanyarwanda, mu birori byitabiriwe n’abayobozi batandukanye ndetse n’abagize imiryango y’aba bagororwa.
Uyu munsi wa 26 Gicurasi 2025, Urwego rw’u Rwanda rushinzwe Igorora (RCS) rwatangije amahugurwa y’iminsi ine ku bakozi bayo 36 ari kubera ku Ishuri ry’Amahugurwa rya RCS riherereye i Rwamagana ajyanye n’ikoreshwa rya sisiteme y’Ikoranabuhanga ya ‘IECMS’ ikoreshwa mu Nzego z’Ubutabera.
