Aya masezerano y’ ubufatanye n’imikoranire azibanda ku bikorwa bigamije igorora no gusubiza mu buzima busanzwe abarangije ibihano birimo: Gutanga ubufasha mu by’Iyobokamana, umuco n’indangagaciro, gufasha abagororwa mu by’imyumvire n’imitekerereze, guteza imbere imyuga n’ubumenyingiro mu magororero, gutanga inkunga y’ibikoresho n’ibiribwa ku bantu bafunze n’abagororwa n’ibindi bikorwa bigamije guhindura no kuteza imbere imyitwarire n’imibereho myiza y’abagororwa muri rusange.
Urwego rw’u Rwanda rushinzwe Igorora, RCS rusanzwe rufite imikoranire n’Amadini n’amatorero mu bikorwa bitandukanye bigamije kugora birimo ivugabutumwa, guha ubufasha abagororwa ibikoresho n’ibiribwa n’ibindi bitandukanye.
