Komiseri Mukuru wa RCS yasuye Igororero ry’Abana rya Nyagatare

Muri uru ruzinduko, CGP Evariste Murenzi nyuma yo kugaragarizwa no kugezwaho ishusho y’iri gororero ry’abana, yaganirije Ubuyobozi bwaryo, maze anatanga impanuro zishingiye ku bikorwa bikorerwa muri Igororero muri rusange ndetse no hanze yaryo asaba abakozi kuba intangarugero no kurangwa n’ikinyabupfura buri wese akaba umujyanama wa mugenzi we, anabasaba gukorera hamwe mu kurwanya ibitemewe ku igororero.

CGP Evariste Murenzi kandi yasuye anaganiriza abarimu bigisha abana bagororerwa muri iri gororero, aha impanuro anaganiriza abanyeshuri 24 bitegura gukora ibizamini bya Leta bisoza umwaka w’amashuri wa 2023 maze abifuriza kuzabitsina neza.

Mbere y’uko asoza uru ruzinduko kandi habayeho umwanya wo subiza ibibazo yabajijwe kandi abizeza kuzagaruka kubasura.

Komiseri Mukuru/RCS abaganiriza

Abanyesuri 24 bagororerwa mu igororero rya Nyagatare bazakora ibizamini bya Leta