Musenyeri Yohani Bosco Ntagungira yaturiye Igitambo cya Misa mu Igororero rya Nyarugenge

Musenyeri Ntagungira waje ahagarariye Nyiricyubahiro Cardinal Antoine Kambanda, yishimiwe cyane n’abagororwa bo muri iri Gororero rya Nyarugenge, dore ko bamwe mu bagororwa bagera kuri 41, barimo abagore 14 n’abagabo 27 bahaherewe Isakaramentu ryo Gukomezwa.

Musenyeri Ntagungira n’abapadiri baje bamuherekeje, banakiriwe neza n’ubuyobozi bwa RCS buhagarariwe na ACP Emmanuel N. Rutayisire.

Ibikorwa nk’ibi by’ivugabutumwa mu Magororero, ni bimwe mu bituma abagorororwa babona inyigisho nziza zibafasha kugira intekerezo nziza no kwanga icyaha nk’uko iyobokamana ribishishikariza abantu bose, bigatuma barushaho kugororoka ku buryo basoza ibihano bakatiwe n’inkiko barahindutse mu myumvire n’imyitwarire.

Muri iki Gitambo cya Misa abagororwa 41 bahawe isakaramentu ryo gukomezwa.

Musenyeri Ntagungira n’abapadiri bamuherekeje bahawe ikaze n’abayobozi ba RCS.