KURI GEREZA ZOSE HIZIHIJWE UMUNSI W’INTWARI KU NSHURO YA 28
Kigali, kuwa 01 Gashyantare 2022
Tariki ya 1 Gashyantare 2022, u Rwanda rwizihije Umunsi w’Intwari z’Igihugu, ku nshuro ya 28 hazirikanwa insanganyamatsiko igira iti: “Ubutwari mu Banyarwanda, Agaciro kacu”
Mu rwego rwo kwizihiza Umunsi w’Imtwari z’Igihugu, Urwego rw’Igihugu rushinzwe Imfungwa n’Abagororwa rwateguye ibikorwa bitandukanye kuri buri gereza birimo ibiganiro, imikino n’ibirori, birata ibigwi n’ubutwari bw’intwari z’u Rwanda. Abana bagororerwa kuri Gereza ya Nyagatare baganirijwe Ubutwari, inzira z’Ubutwari, n’agaciro gakomoka k’Ubutwari
Kuri Gereza ya Nyarugenge, mu rwego rwo kwizihiza uyu munsi, uretse ibiganiro byahawe Imfungwa n’Abagororwa bibakangurira guharanira kuba Intwari, hanabaye umukino w’umupira w’amaguru wahuje amakipe atandukanye agizwe n’Imfungwa n’Abagororwa. Amakipe yari yabukereye kuri Gereza ya Nyarugenge Ishyaka ryari ryose ku makipe mu rwego rwo kwizihiza umunsi w’Intwari z’u Rwanda
Gereza ya Nyanza yo mu kwizihiza Umunsi w’Intwari, yateguye ibirori byitabirirwe n’Imfungwa n’Abagororwa, Abacungagereza, ndetse n’abandi bakozi bo kuri gereza. Ni ibirori byaranzwe n’indirimbo n’imivugo birata ibigwi by’intwari z’u Rwanda.
Kuri Gereza ya Rwamagana, uyu munsi w’Intwari wizihijwe hubahirizwa ingamba zo kwirinda Covid19, aho ibiganiro byinshi byanyujijwe mu matsinda maze binyuze mu mbyino barata ubutwari Intwari z’u Rwanda. Kuri Gereza ya Rwamagana ibiganiro byabereye mu matsinda
Uyu munsi w’Intwari kandi Gereza ya Bugesera yawizihije hakurikiranwa ibiganiro kuri Televiziyo Rwanda byagarukaga ku Ubutwari bw’Abanyarwanda. Hanabaye imyidagaduro, umuhamirizo w’intore zigize itorero rya Gereza mu ndirimbo bahimbye zivuga imyato ibigwi by’intwari z’u Rwanda. Umuhamirizo w’intore mu ndirimbo zirata ubutwari bw’Abanyarwanda zasusurukije benshi
Uyu munsi w’Intwari muri rusange waranzwe n’ibirori kuri gereza zose, by’umwihariko kuri Gereza ya Rubavu hakaba habaye igikorwa cy’indashyikirwa kuko hatashywe inzu yubakiwe Umucungagereza witwa S/SGT MUKESHIMANA Domina akaba afite umugabo wahoze mu mu ngabo 600 zari muri CND, nyuma akaza kuba Umucungagereza, gusa kuri ubu akaba yari yarasezerewe. Nyuma yo gusezererwa yaje kugira ibyago ahura n’ikibazo cy’ubumuga bwo kutabona. Byari ibyishimo kuri Gereza ya Rubavu Ubuyobozi bwa Gereza ya Rubavu bwatashye inzu yubakiwe Umucungagereza Inzu yubakiwe uwahoze ari Umucungagereza wari mu ngabo 600 zari muri CND
Mu byishimo byinshi, uyu muryango washimiye Ubuyobozi bukuru bwa RCS kubera iki gikorwa cy’Ubutwari bwakoze.
Intwari z’u Rwanda ziri mu byiciro bitatu hakurikijwe ibikorwa by’indashyikirwa zakoze, ari byo: Imanzi, Imena n’Ingenzi.
Recent Posts
Abasura n’abasurwa ku magororero atandukanye hirya no hino mu gihugu, barishimira uburyo bushya koranabuhanga bwa…
Uyu munsi kuwa 9 Nyakanga 2026 abana 11 bagorererwa mu Igororero ry’abana rya Nyagatare barangije…
Uyu munsi taliki 29 Kamena 2026, Minisitiri w’umutekano mu gihugu Dr.Vincent Biruta yitabiriye umuhango wo…
Kuri uyu wa 27 Kamena 2026, Korali Ambassador of Christ yasuye Igororero rya Nyarugenge aho…
Kuri uyu wa 24 Kamena 2026 Ku Rwibutso rwa Kigali ruri ku Gisozi, Abakozi b'Urwego…
RCS n’umufatanyabikorwa Rwanda brigde to Justice, bari mubukangurambaga bw’umushinga mushya w’ikoranabuhanga uzajya ufasha abasura n’abasurwa…
This website uses cookies.